Is é EducationPosts.ie an suíomh gréasáin is faide bunaithe agus is fairsinge úsáid in Éirinn a dhíríonn ar earcaíocht oideachais. Is é an príomhshuíomh in Éirinn é ar a bhfógraítear poist oideachais i réamhscoileanna, bunscoileanna agus iarbhunscoileanna, in institiúidí ardoideachais agus breisoideachais, agus i suíomhanna eile oideachais sa tír seo agus go hidirnáisiúnta. Ó bunaíodh in 2002 é, tá ról lárnach ag EducationPosts.ie, ar le Líonra Príomhoidí Bunscoile Éireann (IPPN) é, i bhfógraíocht folúntais oideachais i ngach réimse den earnáil oideachais. Is é IPPN a oibríonn an suíomh ó lá go lá freisin. 

Tá breis agus 110,000 sealbhóir cuntais gníomhach cláraithe le EducationPosts.ie agus seoltar suas le 80,000 foláireamh ríomhphoist in aghaidh an lae chuig na cuardaitheoirí post atá cláraithe linn. In 2023, fógraíodh breis agus 19,000 post oideachais ar EducationPosts.ie. Déantar tagairt do EducationPosts.ie i gCiorclán 0062/2008 agus i gCiorclán 0020/2012 na Roinne Oideachais maidir le fógairt folúntais bhunscoile agus iarbhunscoile.

Bunaíodh IPPN in 1999 chun freastal ar riachtanais ghairmiúla ceannairí scoile. Sa lá atá inniu ann tá aitheantas oifigiúil aige mar chomhlacht gairmiúil le haghaidh ceannairí bunscoileanna na hÉireann. Is cumann neamhspleách, deonach neamhbhrabhúis é a bhfuil próifíl áitiúil, réigiúnach agus náisiúnta aige. Tá IPPN aitheanta ag an Aire Oideachais mar Chomhpháirtí Oideachais oifigiúil agus bímid ag comhoibriú leis an Roinn Oideachais, le Comhairle Náisiúnta na dTuismitheoirí, comhlachtaí bainistíochta, ceardchumainn, gníomhaireachtaí oideachais, institiúidí acadúla agus carthanachtaí páistí d’fhonn an bunoideachas a chur chun cinn.

In 2015, i gcomhpháirtíocht leis an Roinn Oideachais agus le Comhairle Náisiúnta na dTuismitheoirí, bhunaigh IPPN an Lárionad Ceannaireachta Scoile. Mar chomhpháirtí, déanaimid maoirsiú ar an Lárionad, atá freagrach as cláir Forbartha Gairmiúla Leanúnaí a fhorbairt do cheannairí scoile reatha agus ionchasacha. Is ball é IPPN den Chónaidhm Idirnáisiúnta Príomhoidí agus oibrímid go dlúth le Comhairle Náisiúnta na dTuismitheoirí agus le Comhairle Príomhoidí Ontario. Tá na naisc seo tábhachtach dúinn ó thaobh an taighde a dhéanaimid agus ár n-iarrachtaí an cleachtas is fearr go hidirnáisiúnta a chur i bhfeidhm.

Is comhlacht faoi rathúnas nach bhfuil scairchaipiteal aige é The Irish Primary Principals' Network, a bhíonn ag trádáil faoin ainm IPPN Limited, atá cláraithe i gCorcaigh, Éire. 410096 an uimhir chomhlachta chláraithe agus is i nGleanntán, Contae Chorcaí atá an seoladh cláraithe. Is carthanacht chláraithe é IPPN Limited agus 17221 an uimhir charthanachta. Mar charthanacht chláraithe, bíonn IPPN ag déanamh de réir na gceanglas in Acht na gCarthanachtaí, 2009.